กตมํ มหาราช โลกวชฺชํ ฯ ทส อกุสลกมฺปถาติ อิทํ วุจฺจติ โลกวชฺชํ ฯ กตมํ
ปณฺณตฺติวชฺชํ ฯ ยํ โลเก อตฺถิ สมณสฺส อนนุจฺฉวิกํ อนนุโลมิกํ คิหีนํ อนวชฺชํ ตตฺถ
ภควา สาวกานํ สิกฺขาปทํ ปญฺญาเปติ ยาวชีวํ อนติกฺกมนียํ ฯ วิกาลโภชนํ มหาราช
โลกสฺส อนวชฺชํ ตํ ชินสาสเน สาวชฺชํ ภูตคามปาตนํ โลกสฺ อนวชฺชํ ตํ ชินสาสเน
สาวชฺชํ อุทเก หาสธมฺโม โกสฺส อนวชฺชํ ตํ ชินสาสเน สาวชฺชํ อิติ เอวรูปานิ โลกิกานิ
มหาราช ชินสาสเน สาวชฺชานิ อิทํ วุจฺจติ ปณฺณตฺติวชฺชํ ฯ ยํ กิเลสํ โลกิกานิ
ขีณาสวา ตํ อชฺฌาจริตุํ ยํ ปณฺณตฺติวชฺชํ ตํ อชานนฺโต อชฺฌาจเรยฺย ฯ อวิสโย จ
มหาราช เอกจฺจสฺส อหรโต สพฺพํ วิชานิตุํ น หิ ตสฺส พลํ วิชฺชติ สพฺพํ
วิชานิตุํ ฯ อนญฺญาตํ มหาราช อรหโต อิตฺถิปุริสานํ นามํ วา โคตฺตํ วา มคฺโคปิ
ตสฺส มหิยา อนญฺญโต ฯ วิมุตฺตึเยว มหาราช อรหา ชาเนยฺย ฉฬภิญฺญา อรหา
สหวิสเย ชาเยฺย ฯ สพฺพญฺญู มหาราช ตถาคโตว สพฺพํ ชานาตีติ ฯ สาธุ
ภนฺเต นาคเสน เอวเมตํ ตถา มฺปฏิจฺฉามีติ ฯ

อรหโต สติสมฺโมสปญฺโห สตฺตโม ฯ

ภนฺเต นาคเสน ทิสฺสนฺติ โลเก กมฺมนิพฺพตฺตา ทิสฺสนฺติ หตุนิพฺพตฺตา ทิสฺสนฺติ
อุตุนิพฺพตฺตา ยํ โลเก อกมฺมชํ อเหตุชํ อนุตุชํ ตํ เม กเถหีติ ฯ เทฺวเม มหาราช
โลเก อกมฺมชา อเหตุชา ฯ กตเม เทฺว ฯ อากาโส มหาราช อกมฺมโช
อเหตุโช อนุตุโช นิพฺพานํ มหาราช อกมฺมชํ อเหตุชํ อนุตุชํ ฯ อิเม โข มหาราช
เทฺว อกมฺมชา อเหตุชา อนุตุชาติ ฯ มา ภนฺเต นาคเสน ชินวจนํ มกฺเขหิ มา อชานิตฺวา
ปญฺหํ พฺยากโรหีติ ฯ กึ โข มหาราช อหํ วทามิ มํ ตฺวํ เอวํ วเทสิ มา ภนฺเต
นาคเสน ชินวจนํ มกฺเขหิ มา อชานิตฺวา ปญฺหํ พฺยากโรหีติ ฯ ภนฺเต นาคเสน
ยุตฺตมิทํ ตาว วตฺตุํ อากาโส อกมฺมโช อเหตุโช อนุตุโชติ ฯ อเนกสตาหิ ภนฺเต นาคเสน
เหตูหิ ภควตา สาวกานํ นิพฺพานสฺส สจฺฉิกิริยาย มคฺโค อกฺขาโต อถ จ ภนฺเต นาคเสน
ตฺวํ เอวํ วเทสิ อเหตุชํ นิพฺพานนฺติ ฯ อาม มหาราช ภควตา อเนกสตาหิ เหตูหิ
สาวกานํ นินฺพานสฺส สจฺฉิกิริยาย มคฺโค อกฺขาโน น จ นิพฺพานสฺส อุปาทาย เหตุ
อกฺขาตาติ ฯ
เอตฺถ มยํ ภนฺเต นาคเสน อนฺธการโต อนฺธการํ ปวิสาม วนโต วนตรํ
ปวิสาม คหนโต คหนตรํ ปวิสาม ยตฺร หิ นาม นิพฺพานสฺส สจฺฉิกิริยาย เหตุ อตฺถิ